Mae cynllun ymgysylltu cymunedol sy’n cael ei gefnogi gan dair cymdeithas dai leol wedi cael ei roi ar restr fer am Wobr ‘Cyfranogiad Tenantiaid’ genedlaethol.
Bu Chymdeithas Tai Gogledd Cymru, Cartrefi Conwy a Cymdeithas Tai Clwyd Alyn yn gweithio mewn partneriaeth ers Mai 2013, fel rhan o Brosiect ‘Conwy Gyda’i Gilydd’ ac yn awr mae eu cynllun ar restr fer gan TPAS Cymru, y Gwasanaeth Cyfranogiad Tenantiaid a Chynghori yng Nghymru ar gyfer eu seremoni wobrwyo flynyddol i’w chynnal yng Nghaerdydd yn ddiweddarach y mis hwn.
Mae’r prosiect yn rhan o gynllun ‘Llais Cymunedol Conwy’ sy’n cael ei drefnu gan Gyngor Gweithredu Gwirfoddol Conwy ac yn cael ei ariannu gan y Loteri Fawr.
Dan y cynllun mae’r tair cymdeithas dai wedi gweithio gyda’i gilydd i gynnig amrywiaeth eang o ddigwyddiadau a gweithgareddau i ennyn diddordeb preswylwyr Conwy yn greadigol gan eu grymuso i gael lleisio eu barn o ran y gwasanaethau a’r materion sy’n effeithio ar eu bywydau dyddiol.
Dywedodd Iwan Evans, Cydlynydd Cyfranogiad Tenantiaid Cymdeithas Tai Gogledd Cymru:
Mae Tai Gogledd Cymru yn eithriadol o falch bod y prosiect ar y rhestr fer. Yn sicr bu’r prosiect yn llwyddiant; bu’n allweddol wrth sicrhau bod tenantiaid anodd eu cyrraedd yn cael llais a mynegi eu barn am weithgareddau a gwasanaethau cyrff cyhoeddus. Mae tenantiaid Tai Gogledd Cymru wedi mwynhau’r llu o weithgareddau ac maent wedi eu gweld yn ddefnyddiol.”
Rhoddwyd prosiect Llais Cymunedol Conwy ar y rhestr fer yn y categori Prosiectau Cyfranogiad Tenantiaid yng Ngwobrau TPAS Cymru 2015 a fydd yn cael eu cyhoeddi yng Nghanolfan yr Holl Genhedloedd yng Nghaerdydd ar 25 Mehefin.
Mae TGC yn falch o allu cynnig Grant Datblygiad Personol o hyd at £ 250 ar gyfer ein tenantiaid, wedi cael ei ddatblygu er mwyn mynd i’r afael â rhwystrau ariannol a allai fod yn eich atal rhag cael mynediad i addysg, hyfforddiant neu gyflogaeth.
Mae enghreifftiau o’r hyn y gellir ei ariannu yn cynnwys offer neu gyfarpar ar gyfer swydd neu gymhwyster e.e. pecyn trin gwallt neu lyfrau ar gyfer coleg; ffioedd cwrs neu dillad ar gyfer cyfweliad.
Cliciwch yma i gael gwybod a ydych chi’n gymwys a sut i wneud cais.
Mae Tai Gogledd Cymru wedi lledaenu ychydig o ysbryd y Nadolig a dosbarthu hamperi blasus i breswylwyr ar draws Conwy a Gwynedd fel rhan o’i menter flynyddol ‘Enwebu Cymydog’.
Mae’r ymgyrch dymhorol yn nodi dechrau dathliadau’r Nadolig i Tai Gogledd Cymru ac mae wedi dod yn ddyddiad i’w groesawu yng nghalendr y gymdeithas tai.
Gwahoddwyd preswylwyr ar draws Conwy a Gwynedd i ‘Enwebu Cymydog’ sydd yn eu barn nhw yn haeddu ychydiog o syrpreis Nadoligaidd cynnar ac hamper llawn o bethau da.
Roedd y rhesymau dros yr enwebiadau yn amrywio o breswylwyr ag anawsterau eu hunain yn helpu eraill gyda gweithgareddau bob dydd y byddent fel arall yn cael trafferth gyda hwynt, i bobl a ddioddefodd salwch difrifol, ond oedd yn dal i fod yno ar gyfer eu cymdogion. Dangosodd eraill gefnogaeth ragorol i aelodau eraill o’r gymuned, gan helpu i lansio menter neu brosiect cymunedol neu a fu’n gymydog gwirioneddol wych.
Cafodd y cymdogion haeddiannol ymweliad annisgwyl gan Tai Gogledd Cymru ar ddydd Mawrth 17 Rhagfyr, pan ddaeth Siôn Corn, a’i geirw a thîm o helpwyr Dolig heibio yn eu sled i ddosbarthu’r hamperi a lledaenu ychydig o ysbryd yr ŵyl.
Dywedodd Paul Diggory, Prif Weithredwr Tai Gogledd Cymru:
“Mae hon yn ymgyrch wych y mae tenantiaid a staff bob amser yn awyddus i gymryd rhan ynddi. Bob blwyddyn rydym yn cael ein synnu gan rai o’r enwebiadau a gawn. Mae ein tenantiaid yn wir yn mynd yr ail filltir i helpu eu cymdogion, mae’n wych bod cymaint o ysbryd cymunedol ymysg ein tenantiaid.”
Cafodd ffilm a gynhyrchwyd gan denantiaid Tai Gogledd Cymru am hanes Clwb Pêl-droed Bwrdeistref Conwy ei ddangosiad cyntaf gerbron cynulleidfa ddethol ar ddydd Sul 19 Hydref, 2014.
Roedd y dangosiad yn rhan o ddiwrnod hwyl a drefnwyd gan y clwb pêl-droed. Diolchodd Rheolwr Cyffredinol y Clwb Tony Thomas ac Is-gadeirydd Darren Cartwright tenantiaid TGC a TAPE Cymunedol a Ffilm, a hwylusodd y ffilmio cyn perfformiadau cyntaf y ffilm i’r gwylwyr ar y sgrin fawr.
Mae’r ffilm yn dilyn hanes y Clwb o’i ddechreuad yn 1977, a’i hynt oddi ar hynny hyd heddiw gan gynnwys datblygiad diweddar adeilad newydd i’r clwb. Mae’r tenantiaid wedi bod ynglŷn â phob cam o’r broses gynhyrchu o’r cynllunio gwreiddiol a chreu bwrdd stori, i’r ffilmio, cyfweld, sain a goleuo, golygu a chynhyrchu.
Gallwch wylio y film yma:
Os hoffech chi gymryd rhan mewn prosiect o’r fath yn y dyfodol, cysylltwch ag Iwan Evans ar: [email protected]
Mae Tai Gogledd Cymru wedi cynnal ei Diwrnod Hwyl yr Haf blynyddol gyda thenantiaid o bob cwr o Wynedd a Chonwy yn dod ynghyd i gymryd rhan yn y diwrnod cymunedol am ddim .
Cynhaliwyd y digwyddiad yn Ysgol Morfa Rhianedd, Ffordd Cwm, Llandudno, lle cafodd y gwesteion fwynhau llu o weithgareddau yn cynnwys paentio wynebau, celf a chrefft, helfa drysor, ardal chwarae a gardd. Bu cymeriadau Disney yn diddanu’r plant a chafwyd cerddoriaeht fyw gan grŵp lleol y Ghostbuskers.
Cafodd cinio am ddim a chludiant am ddim eu trefnu i hebrwng preswylwyr yn ôl a blaen o’u cartrefi ac fe wnaeth yr haul dywynnu drwy’r prynhawn ar gyfer yr holl westeion.
Dywedodd Iwan Evans o Tai Gogledd Cymru:
“Rydym wedi cael ymateb rhagorol gan denantiaid a ddaeth draw i fwynhau’r diwrnod sydd yn wych. Mae hwn yn ddiwrnod pwysig yng nghalendr Tai Gogledd Cymru. Mae nid yn unig yn ddiwrnod llawn hwyl, ond mae hefyd yn rhoi cyfle i bawb sgwrsio â phobl o fewn eu cymunedau ac o drefi eraill cyfagos.”
Roedd aelodau o dîm Tai Cymru Gogledd hefyd wrth law i gynnig cymorth a chyngor ynghylch unrhyw agwedd o’u tenantiaeth. Roedd gwybodaeth o sefydliadau partner eraill, gan gynnwys yr Undeb Credyd, Crest, Bus Stop ac ailgylchu Cyngor Conwy hefyd ar gael ar y diwrnod.
Mae Tai Gogledd Cymru wedi cyhoeddi manylion ei Diwrnod Hwyl yr Haf blynyddol!
Caiff y digwyddiad ei ystyried gan lawer fel uchafbwynt y flwyddyn i’r gymdeithas gyda channoedd o denantiaid yn heidio iddo, ac eleni cynhelir y digwyddiad ar ddydd Mercher 20fed o Awst yn Ysgol Morfa Rhianedd, Ffordd Cwm, Llandudno.
Bydd yr hwyl yn cychwyn am 11yb ac yn parhau tan 3yp, a gall ymwelwyr ddisgwyl llu o weithgareddau hwyliog. Eisoes ar y rhaglen y mae DJ, sioe dalent, paentio wynebau, celf a chrefft, helfa drysor, ardal chwarae, gardd a gweithgareddau chwaraeon amrywiol, gyda mwy i’w cadarnhau.
Gall pawb sy’n mynychu fwynhau cinio am ddim a bydd cludiant am ddim yn cael ei drefnu i hebrwng preswylwyr yn ôl a blaen o’u cartrefi. Rhoddwyd gwahoddiad i holl denantiaid y gymdeithas ledled Gogledd Cymru i ddod draw i’r diwrnod hwyl.
Dywedodd Iwan Evans Tai Gogledd Cymru:
Mae hwn yn ddiwrnod pwysig yng nghalendr Tai Gogledd Cymru. Mae nid yn unig yn ddiwrnod llawn hwyl, ond mae hefyd yn rhoi cyfle i bawb sgwrsio â phobl o fewn eu cymunedau ac o drefi eraill cyfagos.
Rydym wedi trefnu llond gwlad o bethau difyr sy’n amrywio o weithgareddau chwaraeon egniol i bethau mwy ymlaciol a hamddenol. Rydym yn annog ein holl denantiaid i ymuno â ni ar y dydd! “
Bydd aelodau o dîm Tai Cymru Gogledd hefyd wrth law i gynnig cymorth a chyngor ynghylch unrhyw agwedd o’u tenantiaeth. Bydd gwybodaeth o sefydliadau partner eraill, gan gynnwys yr Undeb Credyd, Crest, Bus Stop ac ailgylchu Cyngor Conwy hefyd ar gael ar y diwrnod.
Am fwy o wybodaeth am y dwirnod hwyl cysylltwch â ni ar 01492 572727 neu [email protected]
Mae criw o denantiaid Tai Gogledd Cymru ar fin dod â Chlwb Pêldroed Bwrdeistref Conwy i’r sgrîn fawr fel rhan o broject cynhyrfus newydd.
Mae’r grŵp o denantiaid Tai Gogledd Cymru hanner ffordd drwy brosiect sy’n cael ei hwyluso gan TAPE – Cerddoriaeth a Ffilm Cymunedol. Mae’r tenantiaid wedi bod ynglŷn â phob cam o’r broses gynhyrchu o’r cynllunio gwreiddiol a chreu bwrdd stori, i’r ffilmio, cyfweld, sain a goleuo. Wrth i’r prosiect ddatblygu yn yr wythnosau sydd i ddod bydd y criw hefyd yn ymwneud â’r camau golygu a chynhyrchu.
Gan fod cyswllt eisoes rhwng Tai Gogledd Cymru â Chlwb Pêl-droed Conwy, roedd y ddau gorff yn awyddus i gydweithio er lles y gymuned leol. Bydd y ffilm yn dilyn hanes y Clwb o’i ddechreuad yn 1977, a’i hynt oddi ar hynny hyd heddiw gan gynnwys datblygiad diweddar adeilad newydd i’r clwb.
Dywedodd Iwan Evans, o Tai Gogledd Cymru:
“Mae hwn yn brosiect gwych sy’n ennill momentwm yn wythnosol wrth i’r rhai sy’n cymryd rhan gael eu hysbrydoli ymhellach gan ymroi a bwrw iddi i’r prosiect. Mae’r criw wedi cael perchnogaeth go iawn ar y prosiect ac maent wrthi fel lladd nadroedd ar bob cam – rwy’n edrych ymlaen yn arw i weld y gwaith gorffenedig.”
Mae Panel Ymgynghorol Preswylwyr a ffurfiwyd yn ddiweddar (sef yr hen Banel Craffu Preswylwyr) yn Nhai Gogledd Cymru yn magu stêm ac yn chwilio am aelodau newydd .
Mae’r grŵp o breswylwyr sydd ar hyn o bryd yn ffurfio panel o oed amrywiol, yn ddynion a merched, ac yn byw ar draws Gogledd Cymru. Mae’r panel eisoes wedi dod yn rhan bwysig o reoli a llywodraethu parhaus y sefydliad, yn dilyn ei ffurfio tua deuddeg mis yn ôl.
Dywedodd Paul Diggory, Prif Weithredwr Tai Gogledd Cymru:
“Mae’r Panel Ymgynghorol Preswylwyr yn ffordd wych i ni sicrhau bod llais y tenantiaid yn cael ei glywed ac yn ei dro , yn rhoi adborth a barn am ein dulliau llywodraethu a gweithredu. Eisoes mae gennym dîm gwych ond rydym yn awyddus i glywed gan denantiaid eraill, yn enwedig pobl ifanc a fyddai’n gallu dod â phersbectif hanfodol a gwahanol i’r panel.”
Mae’r panel yn cyfarfod yn rheolaidd i adolygu perfformiad a thrafod unrhyw faterion a meysydd i’w gwella.
Mae bod yn aelod o’r Panel Ymgynghorol y Preswylwyr yn cynnig cyfle gwirioneddol i ddylanwadu ar sut y mae Tai Gogledd Cymru yn gweithredu. Mae’n rôl amrywiol a heriol sy’n rhoi dylanwad uniongyrchol i breswylwyr ar y ffordd y mae’r sefydliad yn gweithio. Bydd y rôl hefyd yn rhoi profiad a sgiliau defnyddiol hawdd eu trosglwyddo i sefyllfaoedd nad ydynt yn ymwneud â thai. Rhoddir hyfforddiant llawn a bydd costau yn cael eu talu am fynychu cyfarfodydd ac unrhyw ddigwyddiadau perthnasol eraill.
Dylai unrhyw un sydd â diddordeb mewn dod yn aelod o’r panel gysylltu â ni ar 01492 572727 neu drwy anfon e-bost at [email protected]
Mae Panel Craffu Preswylwyr newydd yn cefnogi cymdeithas tai yng Ngogledd Cymru gyda chyngor ac arweiniad allweddol, gan gyfrannu at y gwaith o lywodraethu a rheoli’r sefydliad.
Cafodd y panel o naw aelod, pob un ohonynt yn byw yng nghartrefi Tai Gogledd Cymru ar draws y rhanbarth ei penodi tua chwe mis yn ôl ac yn dilyn cyfnod o hyfforddiant, maent wedi cwblhau eu hadolygiad pwnc cyntaf oedd yn canolbwyntio ar weithdrefnau Ymddygiad Gwrthgymdeithasol a safonau gwasanaeth Tai Gogledd Cymru
Mae’r Panel yn cyfarfod yn rheolaidd â swyddogion ac i adolygu perfformiad a thrafod unrhyw faterion a meysydd i’w gwella. Ffurfiwyd y Panel gyda’r nod o gryfhau llinellau cyfathrebu rhwng Tai Gogledd Cymru a’i thenantiaid er mwyn cael gwybodaeth, adborth a barn hanfodol oddi wrth y rhai sydd wrth galon y gwasanaeth.
Dywedodd Paul Diggory, Prif Weithredwr Tai Gogledd Cymru:
“Fel ein cwsmeriaid a phrif ddefnyddwyr ein gwasanaethau, does neb yn gwybod mwy na’n tenantiaid am yr hyn y mae angen i ni ei wneud i wella.”
Cyflwynir gwybodaeth i’r Panel sy’n dadansoddi perfformiad gwasanaethau, ac ategir hynny gan adborth a gasglwyd oddi wrth denantiaid a defnyddwyr gwasanaeth eraill ar draws y portffolio tai. Diben hyn yw galluogi’r Panel Craffu y Preswylwyr i gynrychioli barn yr holl denantiaid, nid dim ond y rhai sydd ar y Panel.
Ychwanegodd Paul:
“Cyflwynwyd argymhellion y Panel ar ymddygiad gwrthgymdeithasol i’n Bwrdd ac ar ôl trafodaeth, oedd yn cynnwys rhai aelodau o’r Panel, cafodd pob argymhelliad ei dderbyn. Bydd hyn yn helpu rôl y Panel Craffu i sefydlu ei hun wrth i ni sefydlu patrwm gweithio ac agor llinellau newydd o gyfathrebu rhwng y tenantiaid a ni. Rwy’n credu y bydd y grŵp yma’n chwarae rhan bwysig iawn o fewn y sefydliad yn y dyfodol.”
Mae Tai Gogledd Cymru yn ymuno â dwy gymdeithas tai arall i gymryd rhan ym menter Conwy gyda’n Gilydd. Bwriad y fenter yw ceisio rhoi cyfle i denantiaid ‘anodd eu cyrraedd’ leisio barn ynglŷn â gweithgarwch cyrff a gwasanaethau cyhoeddus ar draws Sir Conwy.
O dan y prosiect ehangach, mae Cyngor Gwasanaethau Gwirfoddol Conwy (CGGC) wedi derbyn £842,999 o raglen Lleisiau Lleol y Gronfa Loteri Fawr er mwyn helpu cymunedau i ddylanwadu ar wasanaethau, polisïau a phenderfyniadau sy’n effeithio arnynt fel bod eu hanghenion yn cael eu diwallu’n well. Mae hwn yn un o bum prosiect sydd bellach ar y gweill.
Mae Tai Gogledd Cymru yn gweithio’n agos gyda Chartrefi Conwy, a Chlwyd Alyn. Gyda’i gilydd, bydd y grŵp yn rheoli cyfres o ddigwyddiadau ar draws y sir gan wahodd siaradwyr allweddol a darparwyr gwasanaethau i fod yn bresennol, gan greu cyfleoedd ymgysylltu ac ymgynghori.
Am fwy o wybodaeth anfonwch e-bost at [email protected] neu ffoniwch ni ar 01492 572727.
