News Categories: Trigolion

Dywedwch wrthym beth ydych chi’n ei feddwl ac ENNILL tabled

Rydym yn cynnal arolwg boddhad tenantiaid ac eisiau gwybod beth ydych chi’n ei feddwl am Tai Gogledd Cymru.

Cwblhewch yr arolwg yma a bod gyda chyfle i ennill tabled Samsung.

Os gwelwch yn dda cymerwch yr amser i gwbwlhau’s arolwg, bydd yn helpu i lunio a gwella’r gwasanaethau yr ydym yn eu cynnig i chi.

Linc i’r arolwg: https://arpsurveys.co.uk/tgc/w

Bydd yr arolwg hwn yn cael ei gynnal gan gwmni o’r enw ‘ARP Research’ ar ein rhan. Efallai y byddan nhw yn cysylltu â chi trwy neges destun, e-bost neu drwy’r post, yn dibynnu ar y dull a ddewiswyd gennych yn yr ymarfer Proffilio Tenantiaid diweddar.

Bydd yr arolwg yn cael ei yrru drwy e-bost, neges testun neu drwy bost, dibynnu ar eich ffafriaeth chi.

Gyda chwestiwn? Cysylltwch â ni!

Os oes gennych unrhyw ymholiadau am yr arolwg cysylltwch â ni yn [email protected]  neu ffoniwch 01492 572202.

Pleidleisiwch dros Y Gorlan a gwnewch i’r ardd dyfu!

Mae Y Gorlan, Llety Lloches ym Mangor, wedi cael ei ddewis gan Tesco ar gyfer eu Cynllun Grant ‘Bags of Help’ drwy gydol misoedd Mawrth ac Ebrill 2019.

Bydd y prosiect gyda’r nifer uchaf o bleidleisiau ar draws eich rhanbarth yn derbyn £4,000, gyda’r prosiect yn yr ail safle yn derbyn £2,000, a’r prosiect yn y trydydd safle yn cael £1,000.

Os yn llwyddiannus, bydd yr arian yn helpu Y Gorlan i gwblhau Cam 2 eu gweddnewidiad o’r ardd! Cwblhawyd Cam 1 ym mis Tachwedd 2018, gyda gwaith fel plannu bylbiau ar gyfer y Gwanwyn, adeiladu sedd gariad i’r ardd a nifer o welyau wedi’u llenwi â phlanhigion ffrwythau a pherlysiau.

Cynhaliwyd y gwaith ailwampio mewn partneriaeth â Elfennau Gwyllt, menter gymdeithasol ddielw sy’n ymrwymedig i gael pobl yng ngogledd Cymru allan i’r awyr agored a chysylltu pobl â natur, gwella bywydau, cyfleoedd a dyheadau.

Eglurodd Rowena Maxwell, y Swyddog Tai Pobl Hŷn:

“Mae’r ardd yn edrych yn wych yn dilyn Cam 1, gyda’r cennin pedr, eirlysiau a blodau saffrwm eisoes yn  dechrau ymddangos. Ond rydym am wella’r gwaith caled a wnaed eisoes gan Wild Elements. Byddai’r arian yn ein helpu i wella hygyrchedd yr ardd a darparu man cysgodol i eistedd ac annog cyfleoedd ar gyfer cymdeithasu a gweithgareddau. Rydym hefyd yn gobeithio datblygu sawl ardal synhwyraidd o’r ardd wedi’u llenwi â phlanhigion persawrus a gweadog.”

Dywedodd Tom Cockbill, Cyfarwyddwr Elfennau Gwyllt,

“Mae’r tîm Elfennau Gwyllt yn edrych ymlaen at gam 2 gerddi Y Gorlan. Mi wnaeth y bobl a oedd yn dilyn cymwysterau yn ystod cam 1 fwynhau’r prosiect yn fawr, ac ar ddiwedd cam 1 mi ddywedodd un gŵr a oedd yn byw yn Y Gorlan bod y prosiect wedi rhoi ‘rhywbeth iddo fyw drosto’. Rydym wrth ein boddau efo ymateb fel hyn gan ei fod yn dweud wrthym ein bod wedi gwneud gwahaniaeth.”

“Bydd ymestyn y gerddi ymhellach yn gwneud gwahaniaeth mawr i fywydau preswylwyr Y Gorlan, gan roi llecyn gwyrdd, hyfryd yng nghanol y dref iddynt dreulio eu hamser, yn garddio a chymdeithasu efo’i gilydd.”

“Mae gwirfoddolwyr Elfennau Gwyllt hefyd ar eu hennill o’r prosiect, gan ei fod yn eu galluogi i ennill sgiliau newydd, cynyddu hyder a hunan-barch a gwella eu cyflogadwyedd.”

Felly a fyddech cystal â helpu Y Gorlan a bwrw ei’ch pleidlais drwy gydol misoedd Mawrth ac Ebrill! I bleidleisio, y cyfan sydd angen i chi ei wneud yw cymryd y tocyn a gewch gyda phob trafodyn a’i blannu yn y blychau arbennig ger y fynedfa.

Enillwyr Gwobrau Cymydog Da wedi cael eu datgelu

Gall cael cymydog da wneud byd o wahaniaeth i’r gymuned ac mae hyn yn rhywbeth rydym yn hoff o’i wobrwyo. Mae ein gwobrau yn talu teyrnged i denantiaid Tai Gogledd Cymru sydd wedi gwneud gwahaniaeth arwyddocaol i fywydau eu cymdogion neu i’r gymuned leol.

Rydym yn falch iawn o gyhoeddi enillwyr Gwobrau Cymdogion Da eleni:

  • Anne Parry, Plas y Berth, Llanfairfechan
  • Valarie Conway, Taverners Court, Llandudno
  • Patricia Cooke, Llys y Coed, Llanfairfechan
  • Gayle Craven, Cilfan, Conwy
  • Ian Ravenscroft, Metropole, Bae Colwyn
  • Rosalind Jones, Cae Garnedd, Bangor

Mae’r enillwyr wedi cael £50 o dalebau siopa fel arwydd o ddiolch am fod yn gymdogion mor dda a mynd yr ail filltir.

Dywedodd Iwan Evans, Cydlynydd Cyfranogiad Tenantiaid

“Mae’r gwobrau yma’n rhoi cyfle i ni gydnabod a thalu teyrnged i’n tenantiaid sydd yn mynd yr ail filltir ar gyfer eu cymdogion. Hoffem longyfarch pawb gafodd eu henwebu am eu gweithredoedd o garedigrwydd.”

Diolch i bawb wnaeth gymryd yr amser i enwebu eu cymdogion.

 

Codi £370 tuag at elusen Macmillan

Yn ddiweddar, cynhaliwyd Bore Coffi Macmillan gan breswylwyr a staff cynllun tai gwarchod Tai Gogledd Cymru yn Taverners Court, Llandudno a llwyddwyd i godi £370 diolch i haelioni’r preswylwyr, eu teuluoedd a’u ffrindiau.

Cynhaliwyd y digwyddiad ar ddechrau mis Hydref ac yn ogystal â’r holl gacennau a’r dantiethion penderfynwyd i roi thema’r 1960au i’r digwyddiad. Mi aeth pawb i ysbryd y diwrnod – gan ddod draw mewn gwisg ffansi, yn ogystal â chymryd rhan mewn cwis a dawnsio i rai o glasuron pop y 1960au. Ar ben hynny mi wnaeth raffl, arwerthiant bric a brac a gwerthu cacennau cartref gyfrannu at y cyfanswm a godwyd.

Da iawn pawb!

Lansio Protocol Herbert yng Ngogledd Cymru

Mae Protocol Herbert wedi ei lansio yng Gnogledd Cymru fel menter newydd ar y cyd rhwng cymdeithas Alzheimer, Bwrdd Diogelu Gogledd Cymru a Heddlu Gogledd Cymru.

Mae’r protocol wedi ei enwi ar ôl George HERBERT, cyn filwr glaniadau Normandi oedd yn ddioddef o gyflwr dementia. Bu farw George tra “ar goll” ar ei ffordd yn ôl i gartref ei blentyndod.

Nôd y protocol Herbert yw i leihau amser ymateb yr Heddlu pan maen nhw yn derbyn adroddiad am berson bregus gyda chyflwr meddygol fel dementia wedi mynd goll, a methu dychwelyd adref yn annibynnol a diogel. Ffurflen wybodaeth yw’r protocol sy’n cael ei chwblhau gyda’r unigolyn a’i chadw gan y sefydliad sydd weid cblhau’r ffurflewn er mwyn sicrhau ei bod yn cael ei diweddaru.

Mae’r ffurflen yn gofyn am wybodaeth bersonol fel, manylion personol, perthynas agosaf, gwybodaeth feddygol, gallu teithio, swyddi, diddordebau (gorffennol a’r presennol), mannau allent ymweld â nhw, srferion wythnosol, llefydd mae’r unigolyn wedi cael ei ddarganfod yn flaenorol, a llun diweddar.

Mae’r protocol yn sicrhau bod yr holl wybodaeth yma wedi’i gasglu o flaen llaw, fel ei fod o help i’r Heddlu i ymateb yn gyflymach ac i ddod o hyd i berson sydd ar goll. Mae ystadegau’n profi y cynharaf mae adroddiad o berson ar goll yn cael ei wneud i’r heddlu, a’r cynharaf mae’r chwiliad yn cychwyn yr uwch yw’r siawns o’u canfod yn fyw ac iach.

Galwch lenwi ffurflen protocol Herbert ar-lein neu’n ysgrifenedig, a bydd gofyn i chi ei chadw a’i diweddaru. Bydd yr heddlu ddim ond yn gofyn am y ffurflen os yw’r person yn mynd ar goll. Bydd modd ebostio copi electronig i ystafell reoli yr Heddlu neu rhoi copi ysgrifenedig i’r swyddog cyntaf i ymateb.

Gallwch lawrlwytho gwybodaeth bellach a chopi o’r ffurflen wybodaeth trwy ddilyn y ddolen isod:

https://www.north-wales.police.uk/advice-and-support/stay-safe/herbert-protocol?lang=cy-gb

Rydym angen eich mewnbwn!

Rydym am roi tenantiaid wrth wraidd popeth a wnawn. Er mwyn gwneud hynny mae arnom angen cymaint o denantiaid â phosibl i gymryd rhan a dweud eu dweud am y ffordd y mae Tai Gogledd Cymru yn cael ei redeg.

Sut allwch chi roi eich mewnbwn?

Ymunwch â’n Panel Ymgynghorol Preswylwyr neu’r Grŵp Ymateb Cyntaf

Beth yw’r Panel Ymgynghorol Preswylwyr?

Grŵp o breswylwyr Tai Gogledd Cymru yw’r Panel Ymgynghorol Preswylwyr sy’n gyfrifol am adolygu a monitro ein gwasanaethau a’n perfformiad er mwyn sicrhau bod yr holl breswylwyr yn derbyn y safonau gwasanaeth gorau posibl.

Mae’r panel yn cyfarfod bob dau fis a darperir hyfforddiant a chefnogaeth lawn ynghyd â thalu am gostau teithio.

Mae bod yn aelod o’r Panel yn rhoi cyfle go iawn i chi leisio eich barn a dylanwadu ar sut y caiff Tai Gogledd Cymru ei redeg. Mae’r panel yn grŵp cyfeillgar a chroesawgar felly rydyn ni’n meddwl y byddwch chi’n cael hwyl!

Beth yw’r Grŵp Ymateb Cyntaf?

Cronfa ddata yw’r grŵp yma o denantiaid sydd â diddordeb mewn gweithredu fel ‘darllenwyr’ taflenni, ffurflenni, polisïau ac ati a darparu adborth,

Drwy fod yn aelod, byddwch chi’n gallu cymryd rhan mewn arolygon achlysurol, grwpiau ffocws, a chlywed am ffyrdd newydd o gymryd rhan wrth iddynt ddatblygu.

Wrth gymryd rhan, byddwch hefyd yn cael eich cynnwys mewn cystadleuaeth tynnu enwau a chyfle i ennill talebau siopau’r stryd fawr!

Pam cymryd rhan?

  • Cael cyfle i ddylanwad go iawn ar eich gwasanaethau tai a chwarae rhan mewn penderfyniadau sy’n effeithio ar eich cartref a’r ardal rydych chi’n byw ynddi.
  • Gallwch ddysgu sgiliau newydd.
  • Gweld y syniadau a’r pryderon rydych wedi eu codi yn cael eu rhoi ar waith gan ddod â budd i amrywiaeth fawr o bobl.
  • Dod i ’nabod staff TGC a rhoi wyneb i’r enw.

Am fwy o wybodaeth, cysylltwch â Iwan Evans ar 01492 563232 neu [email protected]

Gwobrau Cymydog Da 2018

Gall cael cymydog da wneud y gwahaniaeth enfawr i gymuned ac mae’n rhywbeth yr hoffem ei wobrwyo. Bydd y cynllun yn talu teyrnged i denantiaid Tai Gogledd Cymru sydd wedi gwneud gwahaniaeth sylweddol i fywydau eu cymdogion neu’r gymuned leol.

Fel tenant i ni gallwch enwebu tenant arall gyda Tai Gogledd Cymru am wobr, gyda chyfle iddyn nhw ennill £50, ac fel diolch am enwebu enillydd gwobr, mi gewch chi hefyd daleb siopa gwerth £10.

Ydych chi’n adnabod rhywun sydd wir yn gwneud gwahaniaeth lle rydych chi’n byw? Ydyn nhw bob amser yn cadw golwg ar eu cymdogion ac yn barod i roi help llaw pan fydd angen? Ydych chi’n adnabod rhywun sy’n gofalu am gymydog?

Os ydych chi’n gwybod am denant sy’n mynd yr ‘ail filltir’ honno er mwyn helpu eraill yna byddem yn hoffi clywed gennych!

Am fwy o wybodaeth cysylttwch â Iwan ar 01492 563232 neu [email protected]

Digwyddiad Arbennig i Nodi Canmlwyddiant yr RAF ym Mangor dydd Sadwrn, 8 Medi 2018

Digwyddiad Arbennig i Nodi Canmlwyddiant yr RAF ym Mangor dydd Sadwrn, 8 Medi 2018

Fel rhan o raglen o ddigwyddiadau yng Nghymru i gofio a dathlu Canmlwyddiant yr Awyrlu Brenhinol, bydd dinas Bangor yn cynnal gorymdaith fawr a hedfan drosodd i’r Llu Awyr ddydd Sadwrn 8 Medi. Bydd hwn yn un o ddigwyddiadau olaf y Canmlwyddiant a’i fwriad yw cydnabod y cysylltiadau cryf sydd wedi bod rhwng Gogledd Cymru a’r RAF dros y can mlynedd yna.

I Fangor, mae’r cysylltiadau hyn yn mynd yn ôl reit i ddechrau’r RAF, pan ddaeth “RAF Bangor” yn weithredol yn 1918, gyda Sgwadron rhif 244 yn hedfan awyrennau Airco DH6 o Abergwyngregyn, yn cynnal patrolau gwrth longau tanfor ym Môr Iwerddon. Er i RAF Bangor gau yn fuan wedi diwedd y Rhyfel Byd Cyntaf, mae hwn yn dal i fod yn gysylltiad unigryw ac arbennig i ddinas Bangor ei gofio wrth i’r RAF ddathlu ei ganmlwyddiant yn 2018. A heddiw, mae’r cysylltiadau cryf rhwng Bangor a’r RAF yn parhau, gyda RAF Fali wedi cael Rhyddid y Ddinas ers 23 Mawrth 1974.

Ddydd Sadwrn 8 Medi, bydd dathliadau Canmlwyddiant yr RAF yn dod i Fangor, gyda staff RAF Fali, fel Rhyddfreinwyr Dinas Bangor, yn gorymdeithio drwy strydoedd y ddinas. Yn ymuno â nhw bydd Band Canolog yr Awyrlu, ynghyd â nifer o Gadetiaid Awyr o sgwadronau ar draws Gogledd Cymru.

Bydd y bore’n dechrau gyda Gwasanaeth Arbennig i ddathlu’r Canmlwyddiant yn y Gadeirlan, am 0945 am, ac mae croeso i aelodau’r cyhoedd fod yn bresennol. Am 11.15am, bydd yr orymdaith yn dangos arfau wrth y Gofeb Ryfel, pryd bydd awyrennau Hawk o RAF Fali yn hedfan drosodd. Yna byddant yn cael eu croesawu gan Ei Deilyngdod Maer Bangor, Arglwyddi Rhaglaw Gwynedd a Chlwyd ynghyd â gwesteion anrhydeddus o bob cwr o Ogledd Cymru. Prif swyddog yr RAf yn yr orymdaith fydd Marsial yr Awyrlu Michael Wigston, a gafodd ei fagu ym Mangor ac a fu’n ddisgybl yn Ysgol Friars.

Am tua 11.40am bydd yr Orymdaith yn camu oddi ar y Gofeb Ryfel i arfer y Rhyddid, gan orymdeithio heibio’r Gadeirlan a throi i’r chwith i lawr Stryd Fawr y Ddinas. Wrth y Cloc bydd y Maer, yr Arglwyddi Rhaglaw a Marsial Wigston yn cydnabod y saliwt. Yna bydd yr Orymdaith yn mynd ymlaen i lawr y Stryd Fawr i Stryd y Deon, ac yna’n camu allan tua 12.00pm.

Dywedodd Maer Bangor, y Cynghorydd John Wynn Jones “Mae gan Fangor a sawl ardal arall dros Ogledd Cymru gysylltiadau cryf â’r Awyrlu dros nifer o flynyddoedd ac mae’n fraint i Fangor gael croesawu’r digwyddiad pwysig hwn i nodi Canmlwyddiant yr RAF. Gyda’r Awyrlu’n gorymdeithio drwy strydoedd Bangor mae’n rhoi cyfle i’r cyhoedd ddangos eu gwerthfawrogiad o’r teyrnarwch, yr ymroddiad a’r gwasanaeth ardderchog a roddodd yr RAF dros y can mlynedd diwethaf, ar nifer o lu’r RAf a gollodd eu bywydau yn ystod y cyfnod hwn. Bydd cael awyrennau Hawk o RAF Fali yn hedfan a’r Orymdaith drawiadol a lliwgar, yn achlysur cofiadwy ac yn werth eu gweld. Dylai pawb o Fangor a’r cyffiniau wneud ymdrech i ddod i fod yn rhan o’r dathliad.”

Arolwg Cyfranogiad Tenantiaid

Rydym yn datblygu Strategaeth Cyfranogiad Tenantiaid newydd a byddem yn gwerthfawrogi eich mewnbwn.

Cwblhewch yr arolwg hwn a chael eich cynnwys mewn cystadleuaeth gyda chyfle i ennill gwerth £50 o dalebau’r stryd fawr!!

https://www.surveymonkey.co.uk/r/73LFPS2

Beth yw Cyfranogiad Tenantiaid?

Mae cyfranogiad tenantiaid yn digwydd pan fydd landlordiaid cymdeithasol yn rhannu gwybodaeth, syniadau a gwneud penderfyniadau gyda thenantiaid gan weithio gyda nhw i gytuno ar y canlynol:

  • sut y dylid rheoli eu cartrefi a’u hamgylchedd lleol
  • pa wasanaethau a gwelliannau gwasanaeth sydd eu hangen
  • blaenoriaethau
  • sut y gallwn ni weithio gyda’n gilydd i gyflawni’r rhain