News Categories: Elusen

Bore Coffi Macmillan

Anghofiwch am y Great British Bake Off, Medi oedd amser Bore Coffi Mwya’r Byd Macmillan!

Y Bore Coffi, a gynhaliwyd ar 30ain o fis Medi yw digwyddiad codi arian mwyaf Macmillan i bobl sy’n wynebu canser. Mae pobl ar hyd a lled y Deyrnas Unedig yn cynnal eu boreau coffi eu hunain gyda’r rhoddion ar y diwrnod yn mynd i Macmillan.

Mi wnaeth nifer o breswylwyr TGC gynnal eu boreau coffi eu hunain. Estynnodd preswylwyr cynlluniau Pobl Hŷn Cae Garnedd, Y Gorlan, Taverners Court a Hafod y Parc am eu ffedogau a choginio pethau blasus ar gyfer yr ymgyrch codi arian sy’n digwydd ledled y DU, gan godi bron i  £1,500 ar gyfer yr elusne canser.

Roedd bore coffi Taverners Court yn ymdrech ar y cyd gyda ffrindiau Taverners o floc cyfagos sydd ag aelod o’r teulu yn dioddef o ganser ar hyn o bryd.

Dywedodd Susan Gough, Warden yn Taverners Court:

“Daeth dipyn o bobl draw i’r digwyddiad gyda phreswylwyr, ffrindiau o’r blociau cyfagos, y gymuned leol a phreswylwyr a staff o Gartref Gofal Brigadoon yn Llandudno yn bresennol.”

Da iawn i bawb a gymerodd ran a mynychu’r bore coffi – rydym yn edrych ymlaen at un y flwyddyn nesaf yn barod!!

Codi arian dros yr Haf i Hosbis Dewi Sant

Ers mis Ebrill 2016 rydym wedi bod yn brysur yn codi arian at ein dewis elusen y flwyddyn yma, sef Hosbis Dewi Sant. 

Mae Hosbis Dewi Sant yn elusen leol sy’n darparu gofal hosbis i oedolion sâl ar draws Conwy, Gwynedd a Sir Fôn. Ar hyn o bryd mae’n costio dros £2 filiwn i ddarparu’r gwasanaethau yn Hosbis Dewi Sant. Mae dros 84% o incwm yr elusen yn dod drwy godi arian yn lleol. 

Hyd yn hyn rydym wedi codi £2,094. Dyma sut lwyddon ni… 

Roedd her Cwch y Ddraig ar gyfer hosbis leol i oedolion yn anhygoel! 

Un o ddigwyddiadau blynyddol mwyaf Hosbis Dewi Sant yw Her Cwch y Ddraig. Cynhaliwyd y digwyddiad codi arian poblogaidd hwn yn Llyn Padarn, Llanberis gyda phedwar o gychod draig Hong Kong 40 troedfedd yn rasio i’r llinell derfyn, a chodwyd miloedd o bunnoedd yn y broses. 

Eleni ymunodd staff Tai Gogledd Cymru yn yr her gan rasio mewn tri chwch yn y digwyddiad! 

Roedd dros 25 o dimoedd yn cymryd rhan eleni a’r pencampwyr presennol ‘Pro Build’, Llandudno, enillodd yn y rowndiau terfynol. 

Ond yr enillydd i ni oedd y Tîm Cynnal a Chadw a gwblhaodd y ras mewn amser gwych o 1munud 3eiliad. 

Ffair Haf Tai Gogledd Cymru 

Roedd gennym siop a dau stondin yn Ffair Haf Hosbis Dewi Sant ar ddydd Sadwrn y 30ain o Orffennaf. Cynhaliwyd y Ffair Haf ar gaeau’r Hosbis (Lôn yr Abaty, Llandudno), ac roedd llawer o gemau llawn hwyl a stondinau i edrych arnynt. A daeth yr haul i ddweud helo!

Cododd stondinau Tai Gogledd Cymru arian i’r elusen, gan gynnwys cystadlaethau bachu’r hwyaden, rolio’r geiniog a dyfalu enw’r tedi.

Coffi am arian yng Nghae Garnedd

Mae preswylwyr Cae Garnedd, ein cynllun gofal ychwanegol ym Mangor, wedi bod yn brysur yn trefnu bore coffi a raffl i godi arian i Hosbis Dewi Sant. Codwyd cyfanswm o £72. Llongyfarchiadau i Jane Ellis a enillodd y raffl, gan ennill hamper.

Oes gennych chi unrhyw syniadau sut y gallwn godi arian? Cysylltwch â ni ar [email protected] neu ffoniwch 01492 572727.

Eisiau Sachau Cysgu a Phebyll ar frys

Mae hostel Santes Fair a’r Tîm Allgymorth ac Adsefydlu yn cynnig gwasanaeth giât ym Mangor. Mae’r gwasanaeth yn darparu cefnogaeth hanfodol er mwyn helpu’r digartref i aros yn gynnes a sych, gan gynnig bwyd, eitemau dillad a darpariaethau gwersylla argyfwng iddynt fel pebyll a sachau cysgu.

Rydym yn dibynnu’n helaeth ar roddion gan unigolion a busnesau er mwyn gallu helpu i gadw’r gwasanaeth i fynd.

Nid oes gennym unrhyw bebyll neu sachau cysgu chwith ar hyn o bryd. Gyda tywydd oer prysur agosáu mae hyn yn sefyllfa bryderus.

Dylai unrhyw un sy’n dymuno gwneud cyfraniad alw heibio Hostel Santes Fair ar Lôn Cariadon, Bangor, neu gysylltu â 01248 362211 ar gyfer trefniadau arall.

Sanau santes fair

Mae hostel digartref Santes Fair ym Mangor wedi lansio apêl am sanau!

Mae’r hostel wedi canfod o’r eitemau sy’n cael eu cyfrannu mai sanau yw’r mwyaf prin, ond eto i gyd mae angen mawr am barau o sanau. Mae traul ar sanau ac esgidiau yn gyffredin ymysg y rhai sy’n cysgu ar y stryd ac er mwyn helpu i gadw dynion a merched digartref yn gynnes ac yn rhydd o haint, mae cyflenwad da o sanau yn hanfodol.

Dywedodd Barbara Fitzsimmons o hostel Santes Fair sy’n cael ei reoli gan Tai Gogledd Cymru,:

“Yn rhyfedd ddigon pan fyddwn yn derbyn rhoddion dydan ni ddim yn cael llawer iawn o sanau ac yn aml iawn mae’n rhaid i ni brynu rhai newydd lle gallwn. Rwy’n credu mai eitem sy’n cael ei anghofio yw sanau gan fod pobl yn tueddu i ganolbwyntio ar eitemau swmpus fel cotiau a siwmperi.”

Ychwanegodd:

“Mae unrhyw anrhegion diangen yn ddelfrydol neu efallai y gall pobl sbario pâr o sanau o becyn ‘multipack’. Felly, mae llawer o bobl sy’n rhoi mewn gwirionedd yn prynu o’r newydd ac yn hynod o hael – felly byddem yn gofyn i bobl sydd yn ystyried cefnogi ein defnyddwyr gwasanaeth i feddwl am draed, a sanau yn arbennig!”

Gellir gadael rhoddion wrth giatiau’r hostel ar Lôn Cariadon ym Mangor.

Fel rhan o ymgyrch y Santes Fair i sicrhau bod defnyddwyr gwasanaeth yn cael mynediad at ddillad cynnes ac offer awyr agored, bydd timau o Tai Gogledd Cymru yn mentro unwaith eto i ŵyl Wakestock ar ôl y digwyddiad i gasglu unrhyw ddeunyddiau a adawyd ar ôl. Bydd dillad, esgidiau ac offer gwersylla sydd wedi cael eu gadael yn cael eu hadennill gan y tîm, eu cymryd yn ôl i’r hosteli, eu glanhau a’u storio yn barod ar gyfer misoedd y gaeaf pan fydd cyflenwadau ar eu hisaf.

Meddai Barbara:

“Mae casgliad Wakestock yn ffordd wych o gael mynediad at swm enfawr o eitemau gwirioneddol ddefnyddiol fydd yn helpu pobl sy’n cysgu allan i oroesi’r gaeaf. Bydd ein tîm o wirfoddolwyr yn treulio’r diwrnod yn cerdded drwy’r sbwriel i geisio darganfod eitemau gwerthfawr i ni allu eu defnyddio a’u rhannu gyda defnyddwyr gwasanaeth. “

Hosbis Dewi Sant yn elusen fuddugol Tai Gogledd Cymru

Mae cymdeithas Tai Gogledd Cymru wedi cyhoeddi ei chefnogaeth i Hosbis Dewi Sant, gan addo i gynnal ystod o fentrau a heriau elusennol er mwyn helpu i godi arian ar gyfer yr elusen yng Ngogledd Cymru.

Gwnaed y cyhoeddiad gan Brif Weithredwr TGC, Paul Diggory, yn y gynhadledd flynyddol.

Eglurodd Emma Williams, Cyfarwyddwr Cyllid Cynorthwyol ac aelod o’r grŵp elusen:

“Hon oedd y flwyddyn gyntaf i ni wneud y dewis yn agored i staff, gan gynnig elusennau enwebedig mewn pleidlais.”

“Rydym yn hynod o falch mai Hosbis Dewi Sant oedd yr elusen yn fuddugol ac rydym yn edrych ymlaen at godi arian ar eu cyfer a helpu i godi ymwybyddiaeth o’r gwaith da y maent yn ei wneud.”

Mae Hosbis Dewi Sant yn elusen gofrestredig leol sy’n darparu gofal diwedd oes rhad ac am ddim i gleifion sy’n oedolion o bob rhan o Ogledd Orllewin Cymru.Bob blwyddyn, maent yn gofalu am dros 1,600 o gleifion sy’n dioddef salwch ymledol, sy’n peryglu bywyd. Mae’r rhoddion a dderbynnir yn mynd yn uniongyrchol at ofal cleifion a chefnogi teuluoedd, ffrindiau a chydweithwyr yng nghymunedau Conwy, Gwynedd ac Ynys Môn.

Dywedodd Swyddog Datblygu Busnes yr Hosbis, Kathryn Morgan Jones:

“Ar ran pawb yn Hosbis Dewi Sant, hoffwn ddweud ein bod wrth ein bodd mai ni yw’r elusen a ddewiswyd gan Tai Gogledd Cymru. Mae’r ddau sefydliad yn ymroddedig i wneud y gorau dros gymunedau Gogledd Cymru ac rydym yn falch iawn bod gwaith Hosbis Dewi Sant wedi ysbrydoli’r staff i gefnogi ein helusen.”

“Rydym yn edrych ymlaen yn arw at weithio gyda thîm nodedig a dangos iddynt y gallwn gyda’n gilydd roi’r ansawdd bywyd gorau posibl i’n cleifion a’u teuluoedd.”

Mae Tai Gogledd Cymru hefyd wedi ffurfio grŵp Elusen am y tro cyntaf eleni, a fydd yn gyfrifol am gydlynu gweithgareddau codi arian trwy gydol y flwyddyn.

Datgelodd Emma Williams beth sydd ar y gweill:

“Mae gennym eisoes rai digwyddiadau codi arian gwych ar y gweill, gan gynnwys taith gerdded noddedig i fyny’r Wyddfa a ffair haf. Byddwn hefyd yn cymryd rhan yn Her y Ddraig a drefnwyd gan Hosbis Dewi Sant yn Llanberis ar 2 Gorffennaf a fydd yn siŵr o fod yn hwyl.”

“Y llynedd, codwyd dros £6,000 ar gyfer Ambiwlans Awyr Cymru. Rydym am wneud yn well fyth eleni, felly gwyliwch y gofod!”

Cymdeithas Tai yn ariannu pedwar o deithiau Ambiwlans Awyr Cymru

Mae Tai Gogledd Cymru wedi codi’r swm gwych o £6,014.38 ar gyfer Ambiwlans Awyr Cymru; gan ddyblu’r targed a osodwyd a digon i ariannu 4 o deithiau awyr yr elusen.

Roedd hi’n hawdd i ni ddewis Ambiwlans Awyr Cymru fel elusen, oherwydd bod gan lawer o staff eu rheswm eu hunain i ddiolch i’r elusen.

Dywedodd Paul Diggory, Prif Weithredwr Tai Gogledd Cymru:

Mae’r elusen yn agos iawn at lawer o’n calonnau, mae gan sawl aelod o’r staff ffrindiau neu deulu sydd wedi cael cymorth gan y gwasanaeth.”

“Mae’r ymateb a gawsom i Ambiwlans Awyr Cymru wedi bod yn wych gan bawb, does dim amheuaeth ei bod yn elusen boblogaidd ac uchel ei pharch.”

Dywedodd cydlynydd cymunedol Ambiwlans Awyr Cymru Medwyn Hughes:

“Mae cefnogaeth ac ymrwymiad pawb yn Tai Gogledd Cymru wedi ein rhyfeddu. Maent wedi mynd ati’n ddiflino i godi arian dros yr achos ac wedi chwalu eu targed, gan gynnal llu o ddigwyddiadau creadigol a heriol.”

“Mae’r elusen yn dibynnu’n llwyr ar roddion i godi’r £6 miliwn i gadw’r ambiwlansys awyr i hedfan. Y llynedd hedfanodd yr ambiwlans awyr 475 taith ar draws Gogledd Cymru, a gallwn ond wneud y teithiau yma drwy gymorth fel hyn. Bydd rhodd Tai Gogledd Cymru yn mynd yn uniongyrchol tuag at helpu i achub bywydau yn yr awyr.”

Codwyd yr arian trwy wneud amryw o bethau, o daith gerdded Walkathon 26.2m, taith feiciau 45 milltir, raffl fawreddog yn ogystal â phethau fel brecwast, te prynhawn a dydd Gwener anffurfiol trwy gydol y flwyddyn.

Dywedodd Paul Diggory, Prif Weithredwr Tai Gogledd Cymru:

“Rwy’n hynod falch o’n holl staff; maen nhw wedi gweithio’n galed iawn i’r godi arian yma, a’r cyfan yn eu hamser eu hunain.”

“Mae codi arian wedi helpu dod â’r staff at ei gilydd hefyd. Mae perthynas wedi datblygu, ffrindiau newydd wedi’u gwneud. Ac mae’n helpu gyda sut rydym yn cydweithio yn ein gwaith bob dydd hefyd.”

Sefydlwyd panel elusen eleni, sef tîm ymroddedig i hwyluso codi arian ar draws y sefydliad. Bydd enw’r elusen ar gyfer 2016-17 yn cael ei chyhoeddi cyn bo hir.

 

Rhowch Nadolig i bobl ddigartref Bangor eleni

Rydym yn credu bod pawb yn haeddu Nadolig. Dyna pam rydym yn lansio yr apêl Nadolig yma, er mwyn gwneud yn siŵr bod pobl ddigartref o Fangor hefyd yn cael y Nadolig y maent yn ei haeddu eleni.

Mae gan Tai Gogledd Cymru ddau hostel i’r digartref ym Mangor, sef Santes Fair a Pendinas. Trwy gydol y flwyddyn mae’r hosteli’n dibynnu’n llwyr am roddion er mwyn helpu i gadw’r gwasanaeth i fynd.

Y Nadolig hwn rydym eisiau gwneud mwy; rydym am gynnig Nadolig eu hunain i bobl ddigartref Bangor. Rydym am allu cynnig pryd o fwyd Nadolig ac anrhegion ymarferol iddynt; pethau rydym yn eu cymryd yn ganiataol.

Sut allwch chi helpu?

Er mwyn gwneud i hyn ddigwydd byddem yn gwerthfawrogi eich cymorth a’ch cefnogaeth yn y ffyrdd canlynol:

• Cyfrannu eitemau fel rhoddion ymarferol, bwyd, dillad cynnes a blancedi

• Rhoi arian er mwyn i ni allu prynu’r eitemau hyn

• Rhannu negeseuon o’n tudalen Facebook a Twitter er mwyn codi ymwybyddiaeth

Ble allwch chi gyfrannu rhoddion?

Gallwch ddod â’ch rhoddion i Hostel Santes Fair (Lôn Cariadon, Bangor LL57 2TE) neu alw heibio ein swyddfa ym Mangor (30 Stryd y Deon, Bangor. LL57 1UR). Neu cysylltwch ar 01248 362211 neu [email protected] i drefnu i’w casglu. Os hoffech fwy o wybodaeth neu ragor o bosteri, peidiwch ag oedi rhag cysylltu â ni unrhyw bryd.

Diolch i chi am eich cefnogaeth, byddem yn ddiolchgar iawn i chi am eich haelioni.

Preswylwyr y Gorlan yn cymryd rhan Ymgyrch Gwau The Big Knit

Mae preswylwyr y Gorlan, Bangor wedi bod yn brysur yn gwau hetiau bach ar gyfer y Big Knit, sy’n ymgyrch wedi’i sefydlu gan Innocent Smoothies i helpu i godi arian ar gyfer Age UK.

Bydd pob un o’r hetiau bach yn mynd ar ben smwddîs cwmni Innocent ac wedyn yn cael eu gwerthu, gyda 25 ceiniog o hynny’n mynd i Age UK.

Mae staff Tai Gogledd Cymru wedi cymryd rhan yn hyn hefyd – dyma rai wedi’u creu gan Mary Jones, Gweinyddwr Pobl Hŷn, a Ruth Lanham-Wright, Rheolwr Cyllid a Refeniw!

Gallwch gael gwybod mwy am The Big Knit a sut i gymryd rhan yma www.thebigknit.co.uk.

Staff TGC yn beicio yr ail filltir ar gyfer Ambiwlans Awyr Cymru

Ar ddydd Sul 12 o Orffennaf aeth grŵp o staff Tai Gogledd Cymru a’u ffrindiau wedi mynd ar eu beiciau a seiclo am 45 milltir caled ar draws Ynys Môn er budd Ambiwlans Awyr Cymru.

Cwblhaodd y beicwyr yr her mewn amser da, sef 4 awr, gan groesi’r llinell derfyn yn Aberffraw, ar ôl seiclo drwy gefn gwlad braf Ynys Môn.

Rhoddodd staff hefyd o’u hamser rhydd ar y dydd Sadwrn, gan gynnig eu gwasanaethau pacio bagiau yn Tesco, Bangor, fel rhan o ymdrech ar draws y sefydliad i godi arian ar gyfer Ambiwlans Awyr Cymru.

Paul Diggory, Prif Weithredwr TGC:

“Bob blwyddyn rydym yn dewis elusen i godi arian ar ei chyfer ac eleni rydym wedi dewis Ambiwlans Awyr Cymru. Mae’n elusen mor werth chweil ac mae’r staff wedi bod yn hynod gefnogol.”

“Rydym eisoes wedi codi dros £2,000, ymhell dros hanner ein targed codi arian. Mae wedi bod yn ymdrech tîm go iawn i godi arian, ac mae staff wedi rhoi o’u hamser rhydd i wneud pethau fel y daith feicio a’r pacio bagiau.”

Dywedodd Rheolwr Codi Arian Ambiwlans Awyr Cymru, Lynne Garlick:

“Rydym wedi rhyfeddu at waith caled mae tîm Tai Gogledd Cymru wrth godi arian i ni! O dreulio eu hamser yn pacio bagiau i’r her beicio, rydym yn gwerthfawrogi eu cefnogaeth yn fawr.”

“Rydym yn dibynnu’n llwyr ar roddion i godi’r £6 miliwn a mwy sydd ei angen arnom bob blwyddyn i ariannu cost ein gwasanaeth, a bydd yr arian a godir yn helpu i gadw ein hofrenyddion yn yr awyr.”

Gallwch gael y wybodaeth ddiweddaraf am ein her codi arian ar Facebook neu drwy ein tudalen JustGiving . Gallwch hefyd gyfrannu ar-lein trwy ein tudalen JustGiving .

 

TGC yn codi £5,000 ar gyfer Tŷ Gobaith

Mae Tai Gogledd Cymru yn falch o gyhoeddi eu bod wedi codi cyfanswm anhygoel o £5,023.21 ar gyfer Tŷ Gobaith, ei dewis elusen ar gyfer 2014.

Mae’r rhan fwyaf o’r arian ei godi drwy’r 40:40 heriau a gynhaliwyd ar 12 Gorffennaf 2014. Mae dros 50 o staff yn cymryd rhan yn y diwrnod, a oedd yn cael ei gydlynu gan Emma Williams. Roedd y diwrnod yn cynnwys cylch o 40 milltir, taith gerdded o 10 milltir, rhedeg o 10 milltir a thaith gerdded deuluol 1 filltir.

Eglurodd Paul Diggory, Prif Weithredwr Tai Gogledd Cymru:

Rydym yn dewis elusen wahanol bob blwyddyn. Roedd y llynedd yn arbennig iawn gan ein bod yn dathlu pen-blwydd yn 40 oed ein staff ‘n sylweddol got sownd mewn Adlewyrchir hyn yn faint yr ydym yn eu codi -. Yr oedd yn llawer uwch na’r targed £ 3000 yr ydym yn gosod i’n hunain.

Tŷ Gobaith yn elusen bwysig iawn ar gyfer y rhanbarth ac rydym yn falch o allu cefnogi’r elusen ac yn helpu plant, pobl ifanc a’u teuluoedd o Ogledd Cymru.”

Tŷ Gobaith, hosbis yr unig blant yng Ngogledd Cymru – yn darparu gofal a chefnogaeth i fywyd lleol dan fygythiad a babanod sy’n byw bywydau byr, plant, pobl ifanc a’u teuluoedd.

Ychwanegodd Sarah Kearsley-Wooller, Rheolwr Codi Arian Tŷ Gobaith:

Rydym yn ddyledus i holl staff Tai Gogledd Cymru am roi eu holl egni i drefnu eu heriau a’u digwyddiadau, sydd wedi arwain at godi swm mor sylweddol.

Bob blwyddyn rydym yn derbyn tua un mis o gyllid gan y Llywodraeth i gefnogi ein gwaith. Am yr 11 mis arall o’r flwyddyn rydym yn cael ein hariannu yn gyfan gwbl gan roddion a gweithgareddau codi arian. Yn syml iawn, heb gymorth cefnogwyr fel Tai Gogledd Cymru, ni allem fodoli.”

Elusen Tai Gogledd Cymru ar gyfer 2015 yw Ambiwlans Awyr Cymru, darllenwch y stori yma.