Mae ein swyddfa yng Nghyffordd Llandudno bellach ar gau. Rydym yn dal i ymateb i bob ymholiad mewn e-bost, dros y ffôn neu drwy Facebook. Mae cysylltu â ni dros y ffôn ac mewn e-bost yn golygu y gallwn ymateb i chi yn gyflymach.
Efallai y bydd ymateb i gyfathrebu ysgrifenedig trwy’r gwasanaeth post yn cymryd mwy o amser i ni oherwydd bod y swyddfa ar gau. Rydym yn dilyn canllawiau’r Llywodraeth ac yn lleihau unrhyw deithio diangen cymaint â phosibl.
Diolch i chi am fod mor ystyriol yn y cyfnod heriol hwn.
Mae lles ein tenantiaid yn hynod bwysig i ni. O Dydd Iau 26 o Fawrth byddwn yn cysylltu â phob tenant i weld sut ydych ac i helpu gyda’ch pryderon, gan ddechrau gyda’r rhai mwyaf agored i niwed.
Byddwn yn gofyn i chi:
- Ydych chi’n iawn? Oes angen help arnoch chi i siopa neu gasglu presgripsiynau?
- A oes gennych unrhyw anghenion neu bryderon eraill y gallem helpu efo nhw?
- Gwneud yn siŵr bod gennym y manylion cyswllt a’r wybodaeth gywir / gyfredol ar eich cyfer ar ein system
Os oes angen unrhyw help arnoch yn y cyfamser gallwch gysylltu â ni ar 01492 572727 neu [email protected]
Oherwydd yr achosion o coronafeirws byddwn ond yn gwneud gwaith brys a gwasanaethu nwy blynyddol ar hyn o bryd. Mae’n ddrwg gennym am yr aflonyddwch hwn yn ein gwasanaeth arferol; rydym wedi cymryd y penderfyniad yma er mwyn eich amddiffyn chi, ein cydweithwyr a’r gymuned ehangach rhag y risg o ledaenu’r Coronafeirws.
Mae eich diogelwch chi a diogelwch ein cydweithwyr o’r pwys mwyaf i ni. Hoffem eich sicrhau ein bod yn cymryd mesurau priodol i’ch cadw chi a’n cydweithwyr yn ddiogel yn ystod yr ymweliadau yma.
Beth yw gwaith trwsio brys?
- Colli pŵer yn llwyr
- Goleuadau cymunedol ddim yn gweithio
- Eiddo sydd ddim yn ddiogel
- Dim dŵr poeth
- Toiled neu ddraen wedi blocio
- Dim gwres
- Larwm tân ddim yn gweithio
- Materion ynghylch adeilad yr eiddo sy’n peri pryder diogelwch
- Dŵr yn gollwng yn ddireolaeth
- Y system drws mynediad ddim yn gweithio
Bydd y gwaith trwsio yma yn eich cadw’n ddiogel yn eich cartref yn ystod argyfwng.
Mae’n ddrwg gennym na allwn mynychu gwaith trwsio heblaw mewn achos o argyfwng.
Ond os gwelwch yn dda cysylltwch â ni efo’r atgyweirion er mwyn i ni roi’r gwaith yn yr amserlen pan fyddwn yn gallu. Rydym yn deall bod hyn yn anghyfleus. Fodd bynnag, rydym yn dilyn cyngor y Llywodraeth i leihau cyswllt er mwyn leihau lledaeniad y feirws a dargyfeirio’r holl adnoddau sydd ar gael i wiriadau nwy a thrydan blynyddol a gwaith trwsio brys, pan fydd pobl ei angen fwyaf.
Os oes gennych waith trwsio sydd ddim yn waith argyfwng wedi’i drefnu yn ystod yr wythnosau nesaf, byddwn yn cysylltu â chi i ganslo’r trefniant ac aildrefnu apwyntiad ar adeg sy’n addas i chi.
Byddwn yn ailddechrau ein gwasanaeth trwsio arferol cyn gynted ag y gallwn. Cadwch lygad ar ein gwefan www.nwha.org.uk neu Facebook a Twitter i gael y newyddion diweddaraf.
Rydym yma i’ch cefnogi chi ac ateb unrhyw gwestiynau sydd gennych. Cysylltwch â ni ar 01492 572727 neu anfonwch e-bost at [email protected].
Mae’r pandemig coronafirws yn amser pryderus; yn ogystal â phoeni am ein hiechyd rydym yn deall y gallech fod yn poeni am eich lles ariannol.
Os ydych chi’n hunangyflogedig, wedi colli’ch swydd oherwydd y Coronafirws neu’n meddwl tybed a oes gennych hawl i dâl salwch statudol, gallai’r ddolen ganlynol fod yn ddefnyddiol:
Gwefan Moneysavingexpert www.moneysavingexpert.com/news/2020/03/uk-coronavirus-help-and-your-rights/
Gallwch hefyd ddarganfod mwy o wybodaeth am Gredyd Cynhwysol ar wefan y Llywodraeth yma www.gov.uk/self-employment-and-universal-credit
Mae’r Llywodraeth wedi cyhoeddi y byddan nhw’n talu cyflogau gweithwyr hyd at 80% o’u cyflog hyd at uchafswm o £2500. Nid yw’r manylion wedi’u cwblhau eto; byddwn yn rhannu mwy o wybodaeth pan fydd ar gael.
Cymorth meter trydan a nwy
Methu mynd allan i ychwanegu pres ar eich meter trydan neu nwy? Cysylltwch â’ch cyflenwr i gael dulliau amgen. Efallai y gallwch ychwanegu at Ap, ar-lein neu efallai bostio cerdyn atodol i chi.
Cysylltwch â’r Tîm Rhenti ar 01492 572727 os oes gennych newid yn eich cyllid sy’n ei gwneud hi’n anodd talu’ch rhent. Gallwch gysylltu â’r Tîm Rhenti ar [email protected] neu ffonio 01492 572727.
Oherwydd canllawiau Coronafeirws diweddar y llywodraeth, byddem yn cau ein holl swyddfeydd a chynlluniau i’r cyhoedd hyd nes y clywir yn wahanol.
Gallwch gysylltu â ni ar:
Ffôn: 01492 572727
Ebost: [email protected]
Taliadau rhent
Gallwch dalu eich rhent ar-lein trwy ddefnyddio gwefan Allpay www.allpayments.net neu drwy’r ap ffon symudol.
Diweddariadau
Ewch i’n www.nwha.org.uk neu ein tudalen Facebook neu Twitter i gael y wybodaeth ddiweddaraf.
Salwch newydd yw COVID-19 a allai effeithio eich ysgyfaint a llwybr anadlu. Mae’n cael ei effeithio gan firws o’r enw coronafirws, a’r straen diweddaraf yw coronafirws novel.
Mae Tai Gogledd Cymru yn rhoi mesurau mewn lle i ddiogelu ein tenantiaid, staff a’r cyhoedd.
Symptomau o coronafirws
Y symptomau o coronafirws yw:
- tagiad
- tymheredd uchel
- prinder anadl
Ond nid yw’r symptomau hyn o reidrwydd yn golygu bod y salwch arnoch chi.
Mae’r symptomau’n debyg i afiechydon eraill sy’n llawer mwy cyffredin, fel annwyd a’r ffliw. Yn gyffredinol, gall coronafirws achosi symptomau mwy difrifol mewn pobl â systemau imiwnedd gwan, pobl hŷn, a’r rheini â chyflyrau tymor hir fel diabetes, canser a chlefyd cronig yr ysgyfaint.
Cyngor
Gallwch leihau’r risg o ddal/lledaenu coronafirws wrth:
- golchi’ch dwylo â sebon a dŵr yn aml – gwnewch hyn am o leiaf 20 eiliad
- golchwch eich dwylo bob amser pan gyrhaeddwch adref neu i waith
- defnyddio gel glanweithydd dwylo os nad oes sebon a dŵr ar gael
- gorchuddiwch eich ceg a’ch trwyn gyda hances bapur neu’ch llawes (nid eich dwylo) pan fyddwch chi’n tagu neu disian
- rhowch feinweoedd wedi’u defnyddio yn y bin ar unwaith a golchwch eich dwylo wedyn
- ceisio osgoi cyswllt agos â phobl sy’n sâl
Os ydych yn amau eich bod gennych coronafirws rhaid ichi ‘Hunan-ynysu’ ar unwaith, ffoniwch 111 ac ynysu eich hun oddi wrth bobl eraill.
Mae gan NHS 111 wasanaeth ar-lein coronafirws gall ddweud wrthoch chi os fydd angen cymorth meddygol arnoch a chynghori chi ar be i’w wneud.
Gellir dod o hyd i’r wybodaeth fwyaf diweddar ar wefan Iechyd Cyhoeddus Cymru yma:
https://icc.gig.cymru/pynciau/gwybodaeth-ddiweddaraf-am-coronavirus-newydd-covid-19/
Penodwyd Catherine Dixson gan y Bwrdd Grŵp fel Cadeirydd newydd Bwrdd Grŵp Tai Gogledd Cymru yng nghyfarfod Ionawr. Roedd hyn yn dilyn proses gyfweld egnïol a oedd yn cynnwys cael ei chyfweld gan banel o denantiaid.
Catherine yw Prif Weithredwr Cymdeithas Tai Muir Group a leolwyd yng Nghaer.
Yn flaenorol, bu Catherine yn gweithio yn GreenSquare fel Cyfarwyddwr Gweithredol (Datblygu Sefydliadol a Gwasanaethau Corfforaethol) yn Wiltshire a chyn hynny fel Cyfarwyddwr Cymorth Busnes gyda Synergy Housing yn Dorset.
Mae gan Catherine flynyddoedd lawer o brofiad yn y maes tai a gweithio i awdurdod lleol ym myd addysg, gwasanaethau cymdeithasol a’r gwasanaeth tân ac achub.
Mae Catherine yn Gadeirydd Llywodraethwyr yn Ysgol Sant Dunawd ym Mangor-is-y-coed.
Mae gan Catherine Radd Meistr mewn Gweinyddu Busnes (MBA) ac mae’n Ysgrifennydd a Gweinyddwr Siartredig (ACIS).
Wrth siarad am ei phenodiad, dywedodd Catherine:
“Rwy’n falch iawn fy mod wedi cael fy mhenodi’n Gadeirydd Tai Gogledd Cymru. Mae’n amser cyffrous i ymuno â’r sefydliad wrth iddo archwilio ei strategaeth at y dyfodol, ei gyfleoedd i dyfu a datblygu. Rwy’n edrych ymlaen at gyfarfod a gweithio gyda phawb a gwneud cyfraniad cadarnhaol i ddyfodol Tai Gogledd Cymru. ”
Cynhaliodd y Panel ei gyfarfod olaf ar ei ffurf bresennol ym mis Gorffennaf 2019, a bydd yn awr yn uno â’r Pwyllgor Gwasanaethau Landlord. Enw’r grŵp newydd hwn fydd y Panel Tenantiaid a Chymunedau, cyfuniad o aelodau’r PYP ac aelodau’r Bwrdd, sy’n cyfarfod bob deufis.
Pam uno?
- Lleihau dyblygu o’r ddau grŵp
- Sicrhau mwy o gynrychiolaeth o safbwyntiau tenantiaid
- Cryfhau rôl tenantiaid yn ein strwythur llywodraethu
Rôl Gyffredinol y Panel Tenantiaid a Chymunedau Newydd
- Craffu ac adolygu ar pa mor effeithiol y mae’r Cynllun a’r strategaethau Corfforaethol yn cael eu trosi’n gamau gweithredu a pherfformiad ar gyfer cwsmeriaid a chymunedau.
- Archwilio gwasanaethau, gan sicrhau bod llais preswylwyr yn cael ei glywed a bod eu hanghenion yn cael eu diwallu.
- Bydd yn mynd i’r afael â gwella polisïau a gweithdrefnau gweithredol yn barhaus a’r cyfleoedd ar gyfer mynediad cwsmeriaid at wasanaethau, adborth gan gwsmeriaid a chraffu dan arweiniad cwsmeriaid.
Gallwch chi gwrdd ag aelodau’r Panel Tenantiaid a Chymunedau yma.
Mae Adnodd Cymharu Cymdeithasau Tai wedi ei gyhoeddi are wefan Llywodraeth Cymru.
Dyma’r ddolen Adnodd Cymharu Cymdeithasau Tai
Mae’n ofynnol i bob Landlord Cymdeithasol Cofrestredig cyhoeddi’r ddolen yma ar ei wefan ei hun, yn hygyrch i bob tenant ac i rhanddeiliaid eraill.
Cysylltwch â’r isod os oes gynnych unrhyw gwestiynau/materion yr ydych eisiau eu trafod.
Ian Walters
Ffon Mob:07890 520184<
Office: 0300 025 6050
E bost/E Mail : [email protected]
Ni fydd Fy TGC, Porth Tenantiaid Tai Gogledd Cymru, ar gael dydd Sadwrn 27fed. Bydd y gwasanaeth ar gael et oar ddydd Llun. Mae drwg gennym am unrhyw anghyfleustra a achosir
