News Categories: Cystadleuaeth

A’r enillwyr yw…

Diolch i bawb a gwblhaodd yr arolwg ar gyfer y prosiect Gwella Gwasanaethau Cwsmeriaid. Llongyfarchiadau Eleri Roberts o Fangor a enillodd y Dabled Samsung Galaxy. Yr enillwyr ar gyfer y talebau £10 stryd fawr yw Ceril Roberts o Llanrug, Wendy Davies o Hen Golwyn a Rachel Lees o Fae Colwyn.

Bydd yr adborth yn cael ei ddefnyddio i wella ein gwasanaeth i gwsmeriaid a byddwn yn darparu diweddariad yma ar sut mae’r adborth wedi cael ei ddefnyddio yn fuan.

Os hoffech drafod hyn yn fanylach, neu gael gwybod am ffyrdd eraill o gymryd rhan a darparu eich mewnbwn cysylltwch ag Iwan ar 01492 563232 neu [email protected].

Dod â’r Nadolig yn gynnar i gymdogion da

Mae preswylwyr ar draws Conwy a Gwynedd yn cael eu gwahodd i ‘Enwebu Cymydog’ sy’n haeddu dathlu’r Nadolig yn gynnar gyda hamper yn llawn pethau da.

Mae Tai Gogledd Cymru unwaith eto yn lansio ei hymgyrch Nadolig flynyddol gydag 20 o hamperi Nadoligaidd blasus ar gael i’w hennill gan denantiaid sy’n byw yng Ngwynedd a Chonwy.

A ydyn nhw wedi dangos cefnogaeth ragorol i aelodau eraill o’r gymuned, wedi helpu i lansio menter neu brosiect cymunedol neu wedi bod yn gymydog wirioneddol wych? Rydym yn awyddus i glywed gan bawb!

Bydd yr enillwyr yn cael ymweliad gan tai Gogled Cymru y agosach at y Nadolig pan fydd Siôn Corn yn galw heibio i weld y cymdogion da yma, gyda’r ceirw a thîm o gynorthwywyr i gyflwyno’r hamperi yn llawn anrhegion da a rhannu tipyn o hwyl yr ŵyl.

Dywedodd Paul Diggory, Prif Weithredwr Tai Gogledd Cymru:

Dyma un o fy hoff bethau ar galendr Tai Gogledd Cymru! Mae yna ysbryd cymdogol yn parhau yn ein cymunedau ac rydym am ei ddathlu.

 

Manteisiwch ar y cyfle hwn i ddweud diolch i’ch cymdogion, ac enwebwch nhw heddiw! “

Y dyddiad cau ar gyfer enwebiadau yw dydd Llun, y 14 o Ragfyr 2015. Gallwch enwebu drwy anfon negeseuon testun enw, cyfeiriad a rheswm dros eich enwebiad i 07538254254 neu drwy lenwi ffurflen enwebu yma https://www.surveymonkey.com/r/Nadolig neu gan lawr lwytho a cwpwlhau y ffurflen yma ai ddychwelyd i:

Tai Gogledd Cymru, Plas Blodwel, Broad Street, Cyffordd Llandudno. Conwy LL31 9HL.

Cystadleuaeth Garddio Tai Gogledd Cymru!

**Mae’r gystadleuaeth yma nawr wedi cau.**

Gwanwyn nesaf, byddwn yn lansio ein Cystadleuaeth Garddio, gyda gwobrau gwych i’w hennill.

Bydd y gystadleuaeth yn cael ei rhannu i gategorïau

  • Yr Ardd Orau
  • Yr ardd sydd wedi gwella fwyaf Yn agored i denantiaid sydd wedi gwella eu gardd (bydd angen lluniau o’r ardd fel yr oedd yn arfer edrych)
  • Yr ardd potiau orau Potiau, basgedi, bocsys ffenestri ac ati
  • Gardd/gofod cymunedol taclusa
  • Gardd tenant ifanc orau Categori arbennig ar gyfer tenantiaid 18-25 oed
  • Y blodyn haul mwyaf a gorau Cystadleuaeth arbennig i blant ein tenantiaid sydd o dan 12 oed

Os nad ydych yn arddwr brwd, byddwch yn gallu enwebu ffrind, perthynas neu gymydog. Rhaid i bob ymgeisydd fod yn denant i Tai Gogledd Cymru.

Bydd ffurflenni cais ar gael yn y Gwanwyn nesaf a disgwylir i’r beirniadu ddigwydd ym mis Gorffennaf 2016.

Os hoffech gael mwy o fanylion am y gystadleuaeth yna cysylltwch ag Iwan Evans ar 01492 563232 neu [email protected]

Lawr lwythwch boster

Cyfle i ennill tabled Samsung!

Rydym yn newid ein gwefan ac yn awyddus i gael eich barn am sut mae’n edrych! Hoffem eich gwahodd i grŵp ffocws fydd yn digwydd ym mis Medi i drafod eich barn. Bydd pawb sy’n bresennol yn cael cyfle i ennill tabled Samsung a thalebau Stryd Fawr mewn cystadleuaeth tynnu enwau o het.

Bydd lluniaeth yn cael ei ddarparu a gallwch hawlio costau teithio am fynychu.

Os oes gennych ddiddordeb mewn cymryd rhan cysylltwch ag [email protected] neu ffoniwch 01492 572727.

Methu bod yn bresennol ond yn dal am gael dweud eich dweud? Cysylltwch â ni, byddem wrth ein bodd i glywed gennych!

Lledaenu ysbryd y nadolig trwy gydnabod cymdogion

Mae Tai Gogledd Cymru wedi lledaenu ychydig o ysbryd y Nadolig a dosbarthu hamperi blasus i breswylwyr ar draws Conwy a Gwynedd fel rhan o’i menter flynyddol ‘Enwebu Cymydog’.

Mae’r ymgyrch dymhorol yn nodi dechrau dathliadau’r Nadolig i Tai Gogledd Cymru ac mae wedi dod yn ddyddiad i’w groesawu yng nghalendr y gymdeithas tai.

Gwahoddwyd preswylwyr ar draws Conwy a Gwynedd i ‘Enwebu Cymydog’ sydd yn eu barn nhw yn haeddu ychydiog o syrpreis Nadoligaidd cynnar ac hamper llawn o bethau da.

Roedd y rhesymau dros yr enwebiadau yn amrywio o breswylwyr ag anawsterau eu hunain yn helpu eraill gyda gweithgareddau bob dydd y byddent fel arall yn cael trafferth gyda hwynt, i bobl a ddioddefodd salwch difrifol, ond oedd yn dal i fod yno ar gyfer eu cymdogion. Dangosodd eraill gefnogaeth ragorol i aelodau eraill o’r gymuned, gan helpu i lansio menter neu brosiect cymunedol neu a fu’n gymydog gwirioneddol wych.

Cafodd y cymdogion haeddiannol ymweliad annisgwyl gan Tai Gogledd Cymru ar ddydd Mawrth 17 Rhagfyr, pan ddaeth Siôn Corn, a’i geirw a thîm o helpwyr Dolig heibio yn eu sled i ddosbarthu’r hamperi a lledaenu ychydig o ysbryd yr ŵyl.

Dywedodd Paul Diggory, Prif Weithredwr Tai Gogledd Cymru:

“Mae hon yn ymgyrch wych y mae tenantiaid a staff bob amser yn awyddus i gymryd rhan ynddi. Bob blwyddyn rydym yn cael ein synnu gan rai o’r enwebiadau a gawn. Mae ein tenantiaid yn wir yn mynd yr ail filltir i helpu eu cymdogion, mae’n wych bod cymaint o ysbryd cymunedol ymysg ein tenantiaid.”

Pwyso’r botwm a chael mynd i gyngerdd access all Eirias

Mae dau o denantiaid Tai Gogledd Cymru wedi mwynhau diwrnod yng nghyngerdd arbennig Access All Eirias, a’r cyfan yr oedd angen iddynt ei wneud oedd hoffi Tudalen Facebook y sefydliad.

Mae Tai Gogledd Cymru yn annog tenantiaid i ddefnyddio cyfryngau cymdeithasol fel ffordd o ymgysylltu â’r sefydliad, gan eu helpu i gael gwybodaeth a rhoi adborth neu fynegi barn. Yn ddiweddar, cynhaliodd TGC gystadleuaeth lle’r oedd cyfle i ennill dau docyn i Access All Eirias – ac er mwyn cael cyfle i ennill y tocynnau y cyfan yr oedd rhaid i denantiaid ei wneud oedd hoffi tudalen Facebook neu ddilyn Tai Gogledd Cymru ar Twitter.

Mi wnaeth Helen a Robert Mawson o Borthaethwy hoffi Tai Gogledd Cymru ar Facebook a nhw oedd yr enillwyr lwcus. Cawsant ddiwrnod gwych yn mwynhau’r seren byd enwog o Gymru, Tom Jones ac artistiaid enwog eraill yn perfformio yn y digwyddiad ym Mae Colwyn.

Dywedodd Iwan Evans o Tai Gogledd Cymru:

“Mae cyfryngau cymdeithasol wedi dod yn arf cyfathrebu hynod o bwysig i ni ac rydym am i gymaint o’n tenantiaid â phosibl ymgysylltu â ni trwy eu hoff gyfrwng cymdeithasol. Mae cystadlaethau fel hyn yn gadael i’n tenantiaid wybod bod gennym bresenoldeb ar y cyfryngau cymdeithasol ac yn helpu i yrru traffig a diddordeb tuag atom ar-lein.”

Ychwanegodd:

“Rydym yn falch bod Helen a Robert wedi mwynhau eu diwrnod a byddwn yn annog ein holl denantiaid i gadw golwg allan am gynlluniau tebyg eraill drwy gydol 2014.”

Codi het i fonedau Pasg Y Gorlan

Mae grŵp o breswylwyr yng nghynllun pobl hŷn, Y Gorlan ym Mangor, wedi dathlu’r Pasg mewn steil, gan greu eu bonedau Pasg eu hunain gydag enillydd yn cael ei ddewis gan y beirniad yn dilyn cystadleuaeth frwd!

Creodd dros saith o breswylwyr eu bonedau eu hunain ac ymunodd y Dirprwy Faer Jean Forsyth â nhw yn dilyn cael ei gwahodd i feirniadu’r gystadleuaeth. Yn dilyn proses feirniadu drylwyr dyfarnwyd mai Janice Gough oedd yr enillydd ac fe gyflwynwyd tocyn anrheg iddi.

Dywedodd Glenys Rowlands, Rheolwr Cynllun yn Y Gorlan:

“Roedd yn ddiwrnod gwych – gwnaeth ein holl breswylwyr ymdrech arbennig gyda’u bonedau ac yn sicr roedd yno naws hwyl a chystadleuaeth hyd y lle. Hwn oedd y digwyddiad cyntaf i’n pwyllgor preswylwyr newydd ei drefnu ac mae wedi bod yn llwyddiant ysgubol ac yn sicr mae wedi ennyn hyder i gynllunio mwy o ddigwyddiadau yn y dyfodol.”

“Mwynhaodd preswylwyr a’r gwesteion ddiodydd a chinio Pasg arbennig ac yna raffl i ddilyn gyda wyau Pasg yn wobrau a’r uchafbwynt oedd y gystadleuaeth fonedau.”

Ychwanegodd Glenys:

“Roedd ein holl breswylwyr yn eiddgar i gymryd rhan ym mwrlwm y diwrnod. Bydd yr holl arian a godir gan y raffl yn mynd tuag at gronfa’r preswylwyr ac yn cael ei ddefnyddio ar gyfer digwyddiadau yn y dyfodol. Mae’r preswylwyr yn frwdfrydig iawn am gynllunio ers lansio’r pwyllgor ac mae heddiw’n dyst i’w hymdrechion a’u gwaith caled!”

Disgyblion Ysgol maelgwn yn dod ag ysbryd yr ŵyl i Blas Blodwel

Mae disgyblion ifanc o Ysgol Maelgwn yng Nghyffordd Llandudno wedi cymryd rhan mewn cystadleuaeth Nadolig ar gyfer ysgolion i ddylunio a chynhyrchu’r addurn Nadolig gorau.

Cymerodd dros 100 o ddisgyblion ran yn yr her Addurn Nadolig, a osodwyd gan Tai Gogledd Cymru, a gwelwyd cynhyrchu casgliad enfawr o addurniadau lliwgar ar gyfer y gystadleuaeth. Mae swyddfeydd Tai Gogledd Cymru bron gyferbyn ag Ysgol Maelgwn ar Broad Street, ac roedd yr her ysgol yn gyfle gwych i’r ddau ddod at ei gilydd yng nghyfnod y Nadolig.

Prif Weithredwr Tai Gogledd Cymru, Paul Diggory, fu’n beirniadu’r addurniadau ac roedd wrth ei fodd gyda’r canlyniadau. Dywedodd:

“Am gasgliad gwych a chreadigol o addurniadau! Rwyf wedi fy mhlesio’n arw gyda’r syniadau a gyflwynwyd, ac roedd dewis pedwar buddugol yn waith anodd iawn.”

Dewiswyd pedwar disgybl o bedwar grŵp oedran gwhanaol a derbyniodd bob un docyn rhodd am eu gwaith.

Ychwanegodd Paul:

“Llongyfarchiadau i’r enillwyr, bydd eu haddurniadau yn hongian ar ein coeden ym Mhlas Blodwel ynghyd â holl addurniadau eraill Ysgol Maelgwn.”

Roedd y beirniadu yn rhan o Ffair Nadolig flynyddol yr ysgol ac ymunodd cynrychiolwyr o Tai Gogledd Cymru â staff, disgyblion a rhieni yn ystod y prynhawn oedd, i lawer, yn gychwyn ar gyfnod yr ŵyl.

HO HO HO – Anrhydeddu eich cymydog gyda pheth o ysbryd yr ŵyl

Mae preswylwyr ar draws Conwy/Gwynedd yn cael eu gwahodd i ‘Enwebu Cymydog’ y maent yn credu sy’n haeddu syrpreis Nadolig cynnar a hamper yn llawn o bethau da.

Unwaith eto mae Tai Gogledd Cymru yn lansio ei hymgyrch Nadolig blynyddol gyda chyfle i ennill 15 o hamperi llawn danteithion ar gyfer tenantiaid sy’n byw o fewn Gwynedd/Conwy. Bydd yr enillwyr yn cael ymweliad annisgwyl gan Tai Gogledd Cymru yn nes at y Nadolig pryd y bydd Siôn Corn, a’i geirw a thîm o helpwyr Dolig yn taro heibio yn eu sled i ddosbarthu’r hamperi a lledaenu ychydig o ysbryd yr ŵyl.

Mae holl denantiaid Tai Gogledd Cymru wedi derbyn ffurflen enwebu ac amlenni rhagdaledig neu fe allent anfon e-bost at [email protected] a rhoi’r rhesymau’n gryno pam bod eu cymydog yn haeddu cael ei enwebu – A yw wedi dangos cefnogaeth ragorol i aelodau eraill o’r gymuned , wedi helpu i lansio menter neu brosiect cymunedol, neu wedi bod yn gymydog gwirioneddol wych? Mae’r sefydliad yn awyddus i glywed gan bawb!

Mae menter Enwebu Cymydog yn nodi dechrau dathliadau’r Nadolig i Dai Gogledd Cymru ac mae wedi dod yn ddyddiad i’w groesawu yng nghalendr y gymdeithas tai.

Dywedodd Paul Diggory, Prif Weithredwr Tai Gogledd Cymru:

Mae hon yn fenter wych y mae tenantiaid a staff bob amser yn awyddus i gymryd rhan ynddi. Eleni rydym yn cynnig mwy o hamperi sy’n golygu ein bod eisiau mwy o bobl i gymryd rhan i enwebu eu cymydog arbennig, felly cymerwch funud o’ch amser a chysylltwch â ni – rydym am glywed gan gynifer o’n tenantiaid â phosib!”